Европски ден на еврејската култура 2020: Еврејски патувања

Еврејската заедница во Република Северна Македонија на 24 септември 2020 година на платформата Zoom го одбележa Европскиот ден на еврејската култура. Оваа манифестација се одржува во 34 европски земји, а нашата заедница ја одбележa по 15. пат. Секоја година темата е различна, а ја поставува Европската асоцијација за зачувување и унапредување на еврејската култура и наследство.

Оваа година темата беше Еврејски патувања, а  поради пандемијата со Ковид-19 немавме друг избор освен да го одбележиме овогодинешниот Европски ден онлајн.

Во свет во кој патувањата ни се прилично ограничени, а во некои случаи и невозможни, за Европскиот ден бевме на заедничко еврејско патување: по стапките на сефардските Евреи по прогонот од Сефарад (Шпанија) на Османлискиот Балкан. Нашиот предавач Елиезер Папо нè запозна со многу аспекти од заедничките културни и социјални карактеристики на Османлиите и Евреите, како и со оние црти кои овие две култури ги прави посебни и уникатни.